Монгол Улсын 32 дахь Ерөнхий сайд Л.Оюун-Эрдэнэ Ерөнхий сайдаар ажилласнаас хойш анх удаа бүрэн хэмжээний ярилцлагаа МҮОНТ-д өгөх гэж байна. Тэрбээр, нүүрсний хулгай, оффтейк гэрээнүүд, Хөгжлийн банк, авлига, жагсаал цуглаан, Үндсэн хуулийн нэмэлт өөрчлөлт, улс төр, эдийн засгийн нөхцөл байдал, цар тахал, ОХУ-Украины асуудал, Оюутолгойн хэлэлцээр, олон улсын харилцаа зэрэг асуудлыг хөндөж, Монгол Улсын Засгийн газрын байр суурийг илэрхийлэх аж.
Ярилцлага хийх өдрийг хараахан товлоогүй байгаа бөгөөд иргэдийн асуултад хариулах тул Монгол Улсын Ерөнхий сайдаас тодруулахыг хүссэн асуултаа иргэд МҮОНТ-ийн "Mongolian National Broadcaster" фэйсбүүк хаягаар дамжуулан илгээж болох юм байна.
