ЭЕШ болж өнгөрлөө. Маш олон маргааныг дагуулав. ЭЕШ өгөгсөд болон тэдний эцэг эхчүүд гомдолтой байгаагаа хэлж, ярьж энэ нь нийгэм даяар яригдах сэдэв болон томорлоо. Түүнчлэн үндэсний цөөнх Казахуудын асуудал ч гарч ирэв.
Сошиалаар хэлэлцэгдэж буй ихэнх асуудал боловсролыг салбарыг хэрхэн сайжруулах, хүртээмжтэй, боловсролтой, ёс зүйтэй ирээдүйн Монгол хүнийг хэрхэн бэлдэх вэ гэдэг асуулт өдгөө ярианы сэдэв болж байна. Энэ бол маш зөв. Аливаа зүйлийн суурийг зөв тавьбал дээш цэцэглэн хөгждөг билээ. Тийм учир Монголын хамгийн тулгамдсан асуудал боловсролын систем байна. Үүнийг төгөлдөржүүлэх, сайжруулах асуудлыг хурдасгахад өнөөгийн энэ маргаан дэм болох болов уу.
