Пүрэв, 5 сар 30, 2024
5.1 C
Ulaanbaatar

Гамшгаас хамгаалах иж бүрэн сургуулийн бэлтгэл ажлыг хангаж байна

Онцгой байдлын ерөнхий газраас Монгол Улсын Шадар сайдын Дорнод аймгийн Засаг даргатай байгуулсан үр дүнгийн гэрээний дагуу тус аймагт Гамшгаас хамгаалах иж бүрэн сургуулийг энэ сарын 26-29-ний өдрүүдэд  зохион байгуулна.

Сургуулийг зохион байгуулахтай холбогдуулан ОБЕГ-ын дэд дарга, бригадын генерал Б.Ууганбаяраар ахлуулсан ажлын хэсэг тус аймагт ажиллаж байна.

Тус аймагт зохион байгуулагдах Гамшгаас хамгаалах иж бүрэн сургууль нь хүчтэй газар хөдлөлтийн гамшиг, ой хээрийн түймэр, усны ослын үед үндэсний болон орон нутгийн удирдлагын харилцан ажиллагааг жигдрүүлэх, гамшгаас хамгаалах төлөвлөгөөг турших, тодотгох, нөөцийн тооцоо, судалгаа гаргах, хүндрэл бэрхшээлийг тодорхойлох зорилготой юм.

Сургуулийн бэлтгэл ажлыг хангах хүрээнд ОБЕГ-аас томилогдсон ажлын хэсэг орон нутгийн бүх шатны удирдлага, иргэдэд гамшгаас хамгаалах мэдлэг олгох сургалтыг зохион байгуулж, бэлтгэл бэлэн байдлын хүрээнд хийгдэж байгаа ажлуудад мэргэжил, арга зүйн зөвлөгөө өгч, удирдлага зохион байгуулалтаар ханган ажиллаж байна гэж Онцгой байдлын ерөнхий газраас мэдээллээ.

LEAVE A REPLY

Please enter your comment!
Please enter your name here

Шинэ мэдээ