Өнөөдөр 16.45 цагийн байдлаар Баянхошуунд агаар хамгийн их бохирдолтой буюу агаарын чанарын индекс 202 байв.

РМ 2.5 буюу жижиг ширхэгтэй тоосонцор  Баянхошуу орчимд 14.00 цагаас хойш өсөж, 184-т хүрчээ. Энэ үзүүлэлт хамгийн дээд тал нь 188 хүрч байжээ.

Улаанбаатар хотын агаар түгээмэл бохирдуулах бодис буюу хүхэрлэг хий /SO2/, азотын давхар исэл /NO2/, тоосонцор /PM10, PM2.5/, нүүрстөрөгчийн дутуу исэл /CO/, озон /O3/ агуулж байдаг.

Өнгөрсөн пүрэв гарагт агаар дахь бохирдуулагч бодисууд 2021 оны түвшнээс өссөн байна.

Өнгөрсөн долоо хоногийн агаарын чанарын хяналт шинжилгээний дүнгээр Улаанбаатарын агаарын чанар энэ сарын 12-18-ны өдрүүдэд

  • Цахилгаан станц, Мишээл экспо, Зайсан, Ургах наран хороолол орчим “Цэвэр” болон “Хэвийн”,
  • 13-р хороолол, Амгалан, Налайх, 100-н айл, Толгойт, Нисэх, Баруун 4-н зам, Зурагт, Шархад орчим “Бага бохирдолтой”,
  • 1-р хороолол, Баянхошуу, Хайлааст, 5-н буудал орчим “Бохирдолтой”  түвшинд хүрсэн гэж ЦУОШГ-аас мэдээлэв.